📖 Тусламж

Нүүр хуудаснаас «Урилга үүсгэх» дарна. Бүртгэл, нууц үг хэрэггүй.

Баярын төрлөө сонгоно: даахь, төрсөн өдөр, хурим, шинэ байрны найр, одон, цол, болзоо, багш нарын баяр, эсвэл ямар ч арга хэмжээ.

Нэр, нас (хүүхдийн баяр бол), огноо, цаг, газрын нэр, хаягаа бичнэ. Гарчиг, урилгын текст автоматаар бичигдэнэ, хүссэнээрээ засна.

Хүсвэл зураг эсвэл видео (MP4) оруулна, газрын зураг дээр байршлаа тэмдэглэнэ, хөтөлбөр (цаг, үйл ажиллагаа) нэмнэ.

«Загвар» хэсгээс тухайн баярт зориулсан загваруудаас сонгоно (баяр бүрт 3–7 загвар, бусад нь «Бусад загварууд»-д). Жижиг картууд таны бичсэн нэрээр шууд харагдана.

Хүсвэл «✨ Нэмэлт боломжууд»-аас өнгө төрх, эффект, олон зураг, арын дуу нэмнэ (давуу эрхтэй хүнд).

Утасны дугаар, 4 оронтой PIN оруулна. Энэ нь урилгаа дахин олох болон давуу эрхээ ашиглахад хэрэгтэй.

«Урилга үүсгэх» дарахад 2 холбоос гарна: зочдод илгээх холбоос, зөвхөн танд зориулсан нууц холбоос.

Урилгын холбоосоо хуулаад SMS, Facebook, Messenger, Viber — хаана ч илгээнэ.

Зочид холбоос дээр дараад урилгыг үзнэ, «Ирнэ» эсвэл «Ирэхгүй» гэж хариулна, хэдүүлээ ирэхээ бичнэ.

Facebook-д хуваалцахад урилгын зураг, гарчиг автоматаар харагдана.

Нууц холбоосоор ороход хэн ирэх, хэдэн том хүн, хэдэн хүүхэд ирэх нь автоматаар цуглана.

Буруу хариултыг «Устгах» дарж хасна.

Нууц холбоосыг зочдод бүү өгөөрэй, хөтчийнхөө хавчуурга дээр хадгалаарай.

Нууц холбоосоор ороод «✏️ Урилга засах» товч дарна.

Нэр, огноо, газар, текст, зураг, видео, загвар, хөтөлбөр — бүгдийг хэдийд ч засна.

Зочдод илгээсэн холбоос өөрчлөгдөхгүй, тэд шинэчлэгдсэн мэдээллийг шууд харна.

«Урилгаа олох» хуудсанд утасны дугаар, PIN-ээ оруулна.

Таны бүх идэвхтэй урилга нууц холбоосуудтайгаа гарч ирнэ.

PIN 5 удаа буруу оруулбал 15 минут түр хаагдана.

Арга хэмжээ болсны маргааш зураг, видео, хариултууд, хувийн мэдээлэл автоматаар устана. Урилгын холбоос «дууссан» гэж харагдана.

Нэг утасны дугаараар зэрэг 3 идэвхтэй урилга байж болно, огноо нь 30 хоногийн дотор байх ёстой.

«Урилга үүсгэх» хуудасны эхэнд «🎉 Мэндчилгээ»-г сонгоно (анхнаасаа «💌 Урилга» сонгогдсон байдаг).

Баярын төрлөө сонгоод «Хэнд» (жишээ нь Д.Сараа багш), «Хэнээс» (жишээ нь 10а ангийн сурагчид)-ийг бичнэ. Гарчиг, мэндчилгээний текст автоматаар бичигдэнэ.

Цаг, газар, хөтөлбөр, «Ирнэ / Ирэхгүй» хариулт байхгүй. Оронд нь холбоосыг нээсэн хүн бүр 7 төрлийн reaction (❤️ 🎉 👏 😍 🙏 😂 🥹) дарж, сэтгэгдэл бичиж, бусдын сэтгэгдэлд хариулна — бүгд нийтэд харагдана.

Зураг, загвар, давуу эрхийн нэмэлтүүд (өнгө, эффект, олон зураг, дуу) урилгынхтай адил ажиллана.

Нууц холбоосоороо орж зохисгүй сэтгэгдлийг устгана. Мэндчилгээ огнооноосоо хойш 7 хоног нээлттэй байж, дараа нь устана.